سەید حەكیم گرنگی حەشدی شەعبی وەك بەشێكی سیستەمی ئەمنی عێراقی دووپات دەكاتەوە
لە میانەی گەشتەكەی بۆ پارێزگای نەجەفی ئەشرەف سەماحەتی سەید عەمار حەكیم سەرۆكی هاوپەیمانێتی هێزە نیشتمانییەكانی دەوڵەت سەردانی بارەگای حەشدی شەعبی لە پارێزگاكە كرد وچاوی بەكۆمەلیك سەركردە و شەڕكەرەكان كەوت و سەرەتا پیرۆزبایی جەژنی غەدیری لێكردن و گرنگی وەفایانی بۆ ئەهلی بەیت (سڵاویان لێبێت) دووپاتی كردەوە.
لە میانی دیدارەکەدا، بەرێز حەكیم ئاماژەی بە یاسا ئیلاهییەکان کرد کە دووپاتی دەکەنەوە کە دەرفەتەکان لە سکی ڕكابەرییەكان لەدایک دەبن، بە ئاماژەدان بە سەرهەڵدانی هێزەکانی حەشدی شەعبی لە ڕووبەڕووبوونەوەی تیرۆر و داگیرکردنی خاک و وەبیرهێنانەوەی ڕۆڵی مێژوویی دەسەڵاتی باڵای ئایینی و فەتوای بەناوبانگی خۆی لە بارەی بەرگریی تەواو..
سەید حەکیم جەختی لە گرنگی یاسای هێزەکانی حەشدی شەعبی کردەوە لە پاراستنی سیستەمی سیاسی و پاراستنی ئەم دامەزراوە ئەمنییە وەک بەشێک لە ئامێری ئەمنی و لەژێر فەرماندەیی فەرماندەی گشتی هێزە چەکدارەکاندا. بەڕێزیان دەستخۆشی لەو هەنگاوانە کرد کە بۆ سنووردارکردنی چەک لە دەوڵەتدا گیراونەتەبەر، هەروەها داوای دابینکردنی چاودێری بۆ کەسوکاری شەهیدان و دابەشکردنی پارچە زەوییە خزمەتگوزارییەکان بەسەریان و ، دڵنیابوون لەوەی ئەم پارچە زەویانە ژیانێکی شکۆمەندانەیان پێشکەش دەکەن...
