/24/5/photo_2025-12-25_09-02-48.jpg)
سەید حەكیم لە كاتدرائیەی مار یوسف پیرۆزبایی رۆژی لەدایك بوونی كرد و رەسەنایەتی كریستیانەكانی لەعێراق دووپات كردەوە
لە كارتدائیەی مار یوسفی كلدانە كاتولیكییەكان لەبەغدا و بەئامادەبوونی كاردینال لویس ساكۆ بەتریاركی هەمو كلدانەكانی عێراق و جیهان و ئامادەبوونی بەڕیز محەمەد شیاع سوودانی سەرۆكی ئەنجومەنی وەزیران، بەڕێز سەماحەتی سەید حەكیم سەرۆكی هاوپەیمانێتی هێزەكانی دەوڵەتی نیشتمانی پیرۆزبایی لە سەرجەم كریستیانەكانی عێراق و جیهان كرد بەبۆنەی رۆژی لەدایكبوونی شكۆداری سەیدی مەسیح (سلاوی لێ بێت لەگەڵ پێغەمبەری خۆمان) و ڕوونی كردەوە كە پێكهاتەی مەسیحی پێكهاتەیەكی عێراقی رەسەنە و جێگای شانازی هەموو عێراقییەكانە.
سەماحەتی سەید حەكیم دووپاتی كردەوە كە سەیدی مەسیح و خاتوون مەریەم (سلاویان لێ بێت) هەردووكیان ناونیشانی گەورەن لە رۆشەنبیری ئیسلامی و هێمای پاكن بۆ پیرۆزی و پاكی و بێ گەردی.
.سەماحەتی ئاماژەی بۆ چەند ئایەتێكی قورئانی پیرۆز كرد كە باسی سەیدی مەسیح و خاتوونی مەریەمی كردوە و دووپایت كردەوەش كە جەژنەكانی لەدایك بوونی شكۆدار پەیامێكی هاوپەیمانێتییە و رۆیشتنە لەسەر بەرنامەی پێغەمبەر و پەیامنێران.
. هەروەها سەید حەكیم جەختی لەسەر گرنگی پاراستنی ژنان لە توندوتیژی خێزانی و کۆمەڵایەتی کردەوە و ئەو شتانەی باسكردەوە کە خاتوو مەریەم بەسەریدا هاتووە و داوای پەیڕەوی كردنی کەلتووری ئاشتی و پێکەوەژیان کرد بۆ پتەوكردنی برایەتی و ئینتیمای نیشتمانی لە نێوان رۆلەكانی خەڵکی عێراقدا..
سەید حەكیم جەختی لەوە کردەوەش کە چینی سیاسی گرنگی بە پێکهێنانی حکومەت و کۆکردنەوەی دەستکەوتی ئەرێنی و بەرەوپێشچوون لەسەر ڕێڕەوی ئاسایش و سەقامگیری و بوژاندنەوە دەدات بەشێوەیەک کە سەرکەوتنە بەدەستهاتووەکان باشتر بكاتەوە.
